Dniami apieratyŭniki kryminalnaha vyšuku zatrymali 67-hadovuju žycharku Minskaj vobłaści. U Kafiedralnym sabory z sumak prychadžan jana zdoleła nieprykmietna vyciahnuć dva kašalki. Vykryć zładziejku dapamahli ŭstanoŭlenyja ŭ chramie kamiery videanazirańnia, paviedamlaje staličnaja milicyja.
Na zapisach syščyki adrazu paznali daŭno znajomuju im piensijanierku Zinaidu, jakaja da hetaha hastralavała pa ŭsioj krainie i zarablała kradziažami vyklučna ŭ cerkvach, pakul, narešcie, nie trapiłasia ŭ ruki pravasudździa.
Cikava toje, što prajšło ŭsiaho tolki try dni, jak jana vyjšła na volu ź miescaŭ źniavoleńnia. Bijahrafiju piensijanierki ŭžo ŭpryhožvajuć bolš za dziasiatak sudzimaściaŭ za majomasnyja złačynstvy. Napeŭna, i ŭ hety raz jana adpravicca adbyvać pakarańnie za vysoki płot.
