Kab nie dapuścić raspaŭsiudžvańnia vostrych reśpiratornych infiekcyj, pa ŭsioj krainie ŭviali časovaje abmiežavańnie na płanavyja špitalizacyi ŭ stacyjanar. Heta nie tyčycca pacyjentaŭ ankałahičnaha profilu i tych, chto maje patrebu ŭ vysokatechnałahičnych apieratyŭnych umiašańniach. Ekstrannaja dapamoha, jak i naležyć, akazvajecca nieadkładna i ŭ poŭnym abjomie. Raniej paviedamlałasia, što takija abmiežavańni ŭviali 2 sakavika ŭ Minsku i 29 lutaha ŭ špitalach Bresckaj vobłaści, piša Tut.by.
— Na štodzionnym kantroli Ministerstva achovy zdaroŭja znachodzicca zachvorvańnie na VRVI. U paraŭnańni ź minułym hodam zachvorvańni nižej, ale my razumiejem, što ŭvachodzim u štohadovy ŭzdym VRVI. U suviazi z hetym pryniaty šerah arhanizacyjnych mier, jakija nakiravany na abmiežavańnie dostupu naviedvańniaŭ u miedycynskija ŭstanovy, pieraprafilavańnie łožkavaha fondu pad VRVI i pnieŭmanii. Plus na pastajannym kantroli znachodzicca zapas lekavych srodkaŭ, raschodnych materyjałaŭ i srodkaŭ indyvidualnaj abarony, pa roznych pazicyjach zapas lekavych srodkaŭ u nas ad čatyroch da 11 miesiacaŭ. U nas prypyniena płanavaje ŭmiašańnie, siońnia vykonvajucca tolki ekstrannyja i nieadkładnyja chirurhičnyja ŭmiašańni, jak i padčas pracy ŭ luby ŭzdym VRVI, — raskazała padčas pres-kanfierencyi ŭ Ministerstvie achovy zdaroŭja Alena Bohdan, načalnik hałoŭnaha ŭpraŭleńnia arhanizacyi miedycynskaj dapamohi, ekśpiertyzy, zvarotaŭ hramadzian i jurydyčnych asob viedamstva.
Ministr achovy zdaroŭja Uładzimir Karanik jašče raz padkreśliŭ, što takija miery prymajuć kožny hod padčas uzdymu VRVI, kab hety pieryjad prajści z najmienšymi ŭskładnieńniami dla pacyjentaŭ.
Taksama Alena Bohdan raspaviała, što padrychtavana instrukcyja, jakoj zaćvierdžany kliničny pratakoł pa dyjahnostycy i lačeńni karanavirusnaj infiekcyi. U piatnicu jaho razasłali va ŭsie ŭstanovy achovy zdaroŭja.
