Usich pacyjentaŭ, jakija pastupajuć u biełaruskija balnicy ź ciažkimi i siarednieciažkimi pnieŭmanijami, buduć u abaviazkovym paradku praviarać na najaŭnaść karanavirusnaj infiekcyi COVID-19. Pra heta raspavioŭ na ANT ministr achovy zdaroŭja Uładzimir Karanik.
«Pacyjenty, pakul u ich jość lohkija prajavy infiekcyi, znachodziacca doma. Kali zachvorvańnie uskładniajecca, jany traplajuć u zvyčajny špital. Jak praviła, u reanimacyjnaje adździaleńnie. Voś heta asnoŭnaja niebiaśpieka, pakolki ŭ reanimacyjnym adździaleńni znachodziacca ludzi, jakim i tak užo drenna. Kali im jašče dadać karanavirusnuju infiekcyju, to šancaŭ na toje, što jany z hetym spraviacca, stanovicca vobmal. Tamu ŭ nas pryniaty miery pa padziele patokaŭ pacyjentaŭ, kab u ahulnaj reanimacyi nie akazałasia inficyravanych. Usie pnieŭmanii siaredniaj stupieni ciažkaści nieadkładna typujucca na najaŭnaść karanavirusnaj infiekcyi, kab hetyja pacyjenty vypadkova nie apynulisia ŭ ahulnaj reanimacyi», — zajaviŭ kiraŭnik Ministerstva achovy zdaroŭja.
Uładzimir Karanik taksama dadaŭ, što ŭ suviazi z hetym padziełam viedamstva i stvaraje rezierv łožkaŭ.