U minskich adździaleńniach Banka Dabrabyt usim naviedvalnicam biaspłatna razdajuć ciulpany. Takim sposabam bank vyrašyŭ pavinšavać dziaŭčat ź Mižnarodnym žanočym dniom.
Kvietki ŭ ofisach banka źjaviłasia z samaj ranicy. Jany raskładzieny pa košykach, ich źbirajuć u bukiety i ŭručajuć ŭsim pradstaŭnicam pryhožaha połu. Kab atrymać bukiet, zusim nie abaviazkova absłuhoŭvacca ŭ banku.
Usiaho Bank Dabrabyt zakupiŭ 4 tysiačy kvietak. Bukiety možna biaspłatna atrymać da samaha viečara, pakul pracujuć ofisy banka.
«Bank Dabrabyt ŭžo z samoj nazvy asacyjujecca z dabrabytam. Ciulpany ŭ padarunak — heta simvaličnaje dziejańnie, źviazanaje z pažadańniem ščaścia, radaści i roskvitu. Kožnaja dziaŭčyna, jakaja paśpieje patrapić u adździaleńnie, zmoža syści sa svaim bukietam», — rastłumačyli ŭ Banku Dabrabyt.
Atrymać kvietki možna ŭ adździaleńniach na vulicy Łabanka, Jasienina, Maksima Tanka i Viery Charužaj. Ich taksama razdajuć u ofisach kala stancyj mietro «Uručča», «Partyzanskaja» i «Akademija Navuk». Ciulpany pryvieźli i ŭ hałoŭny ofis na vulicy Kamunistyčnaj.
Razdačaj kvietak Bank Dabrabyt praciahnuŭ dobruju tradycyju radavać svaich klijentaŭ pryjemnymi siurpryzami. Tak, hetaj zimoj u adździaleńniach banka častavali mandarynami. Kožny naviedvalnik moh biaspłatna brać sadavinu ŭ luboj kolkaści.
