Śledčy kamitet pradjaviŭ historyku Alehu Sakałovu, aryštavanamu pa spravie ab zabojstvie aśpirantki SPBHU Anastasii Ješčanka, abvinavačvańni ŭ niezakonnym zachoŭvańni zbroi. Pra heta paviedamlaje TASS sa spasyłkaj na jaho advakata Alaksandra Pačujeva.
Sam Sakałoŭ nie asprečvaje pradjaŭlenaje abvinavačvańnie. Raniej jon dobraachvotna vydaŭ śledstvu abrez małakalibiernaj vintoŭki, adznačyŭ advakat. U intervju «Interfaksu» Pačujeŭ udakładniŭ, što Sakałoŭ atrymaŭ zbroju «u spadčynu ad ułaśnikaŭ kvatery», jakuju historyk nabyŭ u 1990-ch hadach.
Advakat dapuściŭ, što nieŭzabavie śledstva pa spravie Sakałova zavieršycca i da pačatku krasavika toj paŭstanie pierad sudom.
Anastasiju Ješčanku zabili z abreza małakalibiernaj vintoŭki TOZ-17, stylizavanaha pad kavaleryjski pistalet XIX stahodździa.
