Sioleta Minski lashas płanuje narychtavać 150 ton biarozavaha soku, paviedamlajuć «Minsk-naviny».
— Bolšaja častka biarozaviku (kala 70%) budzie realizavana nasielnictvu, jašče častka pastupić na pierapracoŭku na kansiervavy zavod u Samachvałavičach. Cana dla nasielnictva pakul nie ŭstanoŭlena, ale nie vyklučana, što jana zastaniecca na ŭzroŭni minułaha hoda — 30 kapiejek za litr, — rastłumačyŭ inžynier Pavieł Zianovič.
Da narychtoŭki soku ŭ laśnictvach pakul nie prystupili, ale, pavodle słoŭ śpiecyjalista, anamalna ciopły luty paŭpłyvaŭ na ruch i narychtoŭka napoju moža pačacca ŭžo ŭ pačatku sakavika.
Haradžanie zmohuć i sami biaspłatna narychtavać sok. Rabić heta možna ŭ tych miescach, jakija vyznačany lashasam.
Dla parušalnikaŭ praduhledžana administracyjnaja adkaznaść, štraf da 20 bazavych (540 rubloŭ).
