Supracoŭniki kryminalnaha vyšuku staličnaha HUUS zatrymali dvuch hramadzian adnoj z sumiežnych krain, jakija krali prakatnyja aŭto ŭ Minsku, paviedamlaje MUS.
Z kastryčnika 2019 hoda paciarpieli try minskija firmy. Va ŭsich vypadkach schiema była adnolkavaj: paśla afarmleńnia dakumientaŭ na arendu davoli darahich mašyn arandatary źnikali razam z transpartnymi srodkami.
Apieratyŭniki vyśvietlili, što da ŭsich kradziažoŭ datyčny adzin mužčyna — kaardynatar. Jon trojčy pryjazdžaŭ u Biełaruś i kožny raz pryvoziŭ z saboj novaha čałavieka. Kaardynatar zabiaśpiečvaŭ jaho falšyvymi dakumientami i płaciŭ kala $250, kab toj aformiŭ arendu na siabie. Sam pry hetym zaŭsiody zastavaŭsia ŭ cieni.
Takim sposabam skrali try aŭtamabili ahulnym koštam kala 80 tysiač rubloŭ. Staličnyja syščyki zatrymali kaardynatara i padstaŭnuju asobu padčas čaćviortaha vizitu ŭ krainu. Zaviali kryminalnuju spravu.
