Alaksandr Łukašenka ličyć, što pry ciapierašnich umovach na suśvietnym rynku enierhanośbitaŭ rasijski haz dla Biełarusi pavinien kaštavać kala $ 90 za 1 tys. kub.m. Pra heta Alaksandr Łukašenka zajaviŭ siońnia na sustrečy z pasłom Biełarusi ŭ Rasii Uładzimiram Siamaškam, piša BiełTA.
«Što datyčycca pryrodnaha hazu, siońnia ŭ Jeŭropie (i heta mnie skazaŭ nie naš ministr, a bujny rasijski pradprymalnik — ź Siečynym my razmaŭlali, jon ža taksama hazam zajmajecca) haz mienš za $110. Heta tam — u Jeŭropie — na biržach. Značyć, u nas jon u rajonie da $ 90. Kali brać suśvietnuju canu», — zajaviŭ kiraŭnik dziaržavy.
«Tak, tam jość praciahłyja, jašče niejkija kantrakty. Ale ž doŭhaterminovyja kantrakty pa hazie zaŭsiody pryviazvajucca da cany na naftu. I kali adbyłosia padzieńnie cany na naftu, značyć, adbyłosia padzieńnie cany na pryrodny haz. Tamu $ 127 — siońnia ŭžo ŭ śviecie takoj cany niama», — upeŭnieny Alaksandr Łukašenka.
Jon padkreśliŭ, što heta treba mieć na ŭvazie. «I ty (źviartajučysia da Uładzimira Siamaški) lepš za mianie viedaješ heta, jak heta ličycca», — skazaŭ Łukašenka
«Tamu pazicyja naša pa nafcie i pa pastaŭkach pryrodnaha hazu z Rasii, pa cenach absalutna prajaśniłasia. I ŭ hetym kirunku my pavinny pracavać. I heta ŭsio kładziecca na ciabie, chto b da ciabie ź ministraŭ ni pryjazdžaŭ», — reziumavaŭ biełaruski kiraŭnik.
