30 sakavika — 5 krasavika Jeŭrapiejski humanitarny ŭniviersitet (EHU) zaprašaje staršakłaśnikaŭ i ŭsich achvotnych na viasnovyja Dni adčynienych dźviarej u Vilni, padčas jakich univiersitet prapanuje abituryjentam stać sapraŭdnymi jeŭrapiejskimi studentami na adzin tydzień.
U čym ža moža siabie pasprabavać abituryjent na praciahu tydnia?
3D-animacyja abo animacyja piaskom
Malavańnie, kampazicyja, fatahrafija, piasočnaja animacyja, 3D-animacyja, stvareńnie i apracoŭka videa — naviedać vorkšopy pa hetych napramkach mohuć usie, chto cikavicca dyzajnam. Razam z vykładčykami i studentami departamienta abituryjenty mohuć stvaryć svoj pieršy tvorčy pradukt ci papoŭnić svajo partfolia.
Źniać rolik abo napisać manałoh
Padčas Zimovych dzion adčynienych dźviarej piśmieńnik dacent Viktar Marcinovič i režysior Alaksandr Marčanka zaprašali abituryjentaŭ da padrychtoŭki rolikaŭ, pryśviečanych adnoj sa značnych dat jeŭrapiejskaj spadčyny:
1. 250-j hadaviny sa dnia naradžeńnia Ludviha van Bietchoviena. Čamu Bietchovien? Čamu jaho muzyka stała himnam Jeŭrapiejskaha sajuza i hučyć va ŭsim śviecie ŭ samyja ŭračystyja momanty? Kali i jak jon staŭ viečnym brendam? Što siońnia moža nam dać tvorčaść hetaha vydatnaha muzykanta? I što my viedajem pra Ludviha van Bietchoviena? Na hetyja i inšyja pytańni abituryjenty i studenty EHU praciahnuć šukać adkazy ŭ čas Viasnovych dzion adčynienych dźviarej, a pasłuchać samy znakamity tvor Bietchoviena prapanujem prosta ciapier.
Pieršapačatkova «Miesiačnaja sanata» nasiła nazvu «Amal fantazija», abo prosta «Sanata dla fartepijana No.14 do-dyjez minor». Jana była pryśviečana junaj vučanicy kampazitara hrafini Džuljecie Huakardzi, u jakuju jon byŭ zakachany, adnak nie ŭzajemna. Papularnaja nazva «miesiačnaj» umacavałasia ź inicyjatyvy paeta Ludviha Relštaba, jaki ŭ 1832 hodzie paraŭnaŭ muzyku pieršaj častki sanaty ź piejzažam Firvaldšteckaha voziera ŭ miesiačnuju noč. Jak i ŭ vypadkach sa mnohimi kampazitarami taho času, sanata była apublikavana tolki paśla śmierci Bietchoviena.
2. 755-ja hadavina sa dnia naradžeńnia Dante Alihjery. «Boskaja kamiedyja», jakaja pieršapačatkova była prosta «Kamiedyjaj». Kniha, jakuju mała chto čytaŭ, ale ŭsie biez vyklučeńnia viedajuć, što tam pra piekła. Dante Alihjery — čałaviek, jakoha čaściej za ŭsio malujuć u łaŭrovym vianku, stvaralnik italjanskaj litaratury i toj, chto namalavaŭ usiamu čałaviectvu raj i piekła. Jon vioŭ palityčnuju baraćbu za ŭładu, byŭ vyhnancam i stvaryŭ adnu z samych pryhožych historyj kachańnia ŭ historyi čałaviectva. Što my viedajem pra jaho i što dziejecca ŭ dantaŭskim piekle? Čamu sučasnamu humanitaryju jon pa-raniejšamu važny? Adkazać na hetyja pytańni, a hałoŭnaje, zadać svajo prapanuje Departamient humanitarnych navuk i mastactvaŭ padčas Dzion adčynienych dźviarej.
Majkł Parkies. Partrety Dante i Bieatryče, 1993 hod. Fota archive.ru
3. 500 hadoŭ ź pierajezdu Francyska Skaryny ŭ Vilniu. Biełaruski humanist pieršaj pałovy ChVI st., vučony-miedyk, piśmieńnik, pierakładčyk, mastak, aśvietnik, pieršadrukar na ŭschodniesłavianskich ziemlach.
U 1520 hodzie Francysk Skaryna pierajazdžaje z Prahi ŭ Vilniu. Vidać, vydavać knihi ŭ Vilni było tańniej. Nie apošniuju rolu ŭ hetym adyhrała mahčymaść udzielničać u finansavych apieracyjach brata i atrymlivać finansavuju padtrymku ad pravasłaŭnych členaŭ vilenskaha mahistrata. Tak Skaryna vydaje tut pryblizna ŭ 1522 hodzie «Małuju padarožnuju knižycu» i «Apostała» ŭ 1525-m. U 1526 hodzie Vilenskaja kapituła prymaje rašeńnie ŭzmacnić baraćbu z refarmacyjnymi płyniami, pamirajuć niekalki jaho zastupnikaŭ, Skaryna pastupaje na pasadu sakratara vilenskaha biskupa Jana i pačynaje zajmacca miedycynskaj praktykaj.
Dom, u jakim žyŭ Francysk Skaryna. Fota delfi.lt
Stać studentam na tydzień ci prosta zdać ekzamieny
Pryjazdžać rankam na zaniatki, pić ranišniuju kavu sa studentami na kresłach-paduškach, čytać, pytacca, spračacca, zavodzić siabroŭ, abiedać u stałovych Vilenskaha ŭniviersiteta i Akademii mastactvaŭ, špacyravać pa starym horadzie kala doma, u jakim žyŭ Skaryna, chadzić na biaspłatnyja vystavy, kancerty, słuchać piatničnuju imšu ŭ kaściole Panny Maryi Suciašeńnia, zatrymlivacca ŭ biblijatecy dapazna — žyć nasyčanym žyćciom jeŭrapiejskaha studenta ceły tydzień. A možna pryjechać tolki na vychodnyja, biaspłatna zdać ekzamieny pa zamiežnaj movie, ese ci kampazicyju i daviedacca pra ŭsio samaje važnaje ź pieršych vusnaŭ.
Jak prajšli zimovyja dni adčynienych dźviarej, hladzicie ŭ admysłovym videa.
Viasnovyja dni adčynienych dźviarej adbuducca ŭ navučalnym korpusie EHU — u budynku Aŭhuścinskaha manastyra ŭ Starym horadzie Vilni. Pry rehistracyi da 23 lutaha abituryjentam akazvajecca vizavaja padtrymka.
Važna! Naciśnicie tut, kab zarehistravacca
A što potym?
U 2020 hodzie EHU prapanuje hranty dla poŭnaha abo častkovaha pakryćcia koštu navučańnia, a taksama stypiendyi dla studentaŭ ź Biełarusi i inšych krain.
U ramkach navučańnia na abnoŭlenych prahramach EHU studenty buduć rehularna papaŭniać asabistaje prafiesijnaje i akademičnyja partfolia, jakoje dazvolić prajści praktyku ŭ prestyžnych mižnarodnych arhanizacyjach, a taksama značna pavialičyć mahčymaści na rynku pracy paśla zakančeńnia navučańnia.
Navučańnie ŭ EHU ažyćciaŭlajecca pa madeli svabodnych mastactvaŭ (anhł. liberal arts), što dazvalaje maksimalna raskryć kreatyŭny i akademičny patencyjał studentaŭ, raźvić adaptyŭnaść, navyki krytyčnaha i kreatyŭnaha myśleńnia.
Navučalny praces prahramy ahulnaŭniviersiteckaj padrychtoŭki EHU hruntujecca na kalektyŭnaj pracy studentaŭ i vykładčykaŭ. Akramia kłasičnych lekcyj, studenty ŭciahnutyja ŭ takija sučasnyja formy vučebnaj dziejnaści, jak simpoziumy, ćjutaraty i anłajn-zaniatki.
Navučalny płan studentaŭ prahram «Vizualny dyzajn» i «Jeŭrapiejskaje spadčyna» vybudoŭvajecca praz zvarot da artefaktaŭ jeŭrapiejskaj kultury. Heta ŭdzieł u palavych škołach u haradach, jakija adnosiacca da farmiravańnia jeŭrapiejskaj intelektualnaj tradycyi. Kožny kurs navučańnia studenty buduć pracavać nad asabistym hadavym prajektam, pryśviečanym haradam palavoj škoły: Vilni, Sankt-Pieciarburhu, Fłarencyi i Afinam.
Prahramy navučańnia śpiecyjalizacyj «Miedyja i kamunikacyja», «Suśvietnaja palityka i ekanomika» i «Mižnarodnaje prava i prava Jeŭrapiejskaha sajuza» hruntujucca na zvarocie da prablematyki sacyjalnych transfarmacyj u Biełarusi i rehijonie praz pryzmu jeŭrapiejskaj intelektualnaj tradycyi. Spałučajučy kursy ahulnaŭniviersiteckaj padrychtoŭki ź pieradavymi profilnymi dyscyplinami ad praktykujučych śpiecyjalistaŭ, prahramy farmujuć roznabakovych prafiesijanałaŭ, jakija atrymlivajuć mižnarodnaje pryznańnie i šyrokija mahčymaści ŭ karjernaj śfiery.
