Alaksandra Łukašenku zapeŭnili ŭ adsutnaści ekałahičnych pretenzij da pracy novaj vytvorčaści sulfatnaj bielenaj celułozy na bazie Śvietłahorskaha CKK, pieradaje BIEŁTA.
U čas naviedvańnia pradpryjemstva kiraŭnik dziaržavy pacikaviŭsia, ci vyrašany ŭsie ekałahičnyja pytańni pry stvareńni novaj vytvorčaści. «Ci nie śmiardzić?» — spytaŭ jon.
Staršynia kancerna «Biellespapierapram» Juryj Nazaraŭ zapeŭniŭ, što prablem niama. «Inakš my b nie padpisali akt uvodu (pradpryjemstva)», — skazaŭ kiraŭnik kancerna.
U vyniku Łukašenka ažyćciaviŭ simvaličny pusk abstalavańnia linii pa vytvorčaści sulfatnaj bielenaj celułozy.
Nahadajem, što Śvietłahorski CKK nie raz zhadvaŭsia ŭ suviazi to z prablemami kitajskaha padradčyka, to z hrandyjoznymi stratami, to z pratestami miascovych suprać budaŭnictva z-za niepryjemnaha pachu ŭ akruzie.