U Japonii z kruiznaha łajniera Diamond Princess evakujavali pieršuju hrupu ludziej, jakim bolš za 80 hadoŭ. U ich nie vyjaŭlena zaražeńnia karanavirusam. Pra heta paviedamlaje ahienctva Kyodo.
Łajnier Diamond Princess byŭ pastaŭleny na karancin u porcie japonskaha horada Ijakahama paśla taho, jak u pačatku lutaha ŭ adnaho z pasažyraŭ dyjahnastavali karanavirus.
Pa dadzienych ahienctva, pažyłych ludziej pavinny raśsialić u śpiecyjalna padrychtavanym dla hetaha internacie adnoj ź miascovych VNU.
Dakładnaja kolkaść evakujavanych pakul nie ŭdakładniałasia. Adnak raniej paviedamlałasia, što ŭ pieršuju hrupu pavinny ŭvajści kala 10 čałaviek.
Ahulnaja kolkaść zaražanych na łajniery składaje 219 čałaviek.
0
0
0
0
0
0