Navukoŭcy z Brazilii ŭpieršyniu ŭ historyi zafiksavali ŭ Antarktycy tempieraturu pavietra na ŭzroŭni plus 20,75 hradusa Celsija (68 hradusaŭ Farenhiejta). Pra heta paviedamlajuć brytanskija The Sun i The Guardian.
Rekordnaja tempieratura pavietra była zafiksavana 9 lutaha na vostravie Siejmur, raźmieščanaj na ŭschodzie ad paŭnočnaha ŭskrajku Antarktyčnaha paŭvostrava. Navukoŭcy, jakija źbirajuć źviestki sa stancyj addalenaha manitorynhu kožnyja try dni, apisvajuć novy rekord jak «nievierahodny i nienarmalny».
Akramia taho, dadzieny pakazčyk staŭ amal na adzin hradus vyšej rekordu plus 19,8 hradusa, zafiksavanaha ŭ studzieni 1982 hoda. Apošni rekord navukoŭcy zafiksavali 6 lutaha. Tady na arhiencinskaj bazie «Eśpieransa» (poŭnač antarktyčnaha paŭvostrava) zafiksavali tempieraturu plus 18,3 hradusa.
