Andrej Dźmitryjeŭ z advakatkaj Maryjaj Kolesavaj-Hudzilinaj u sudzie.
U sprečcy ab fatazdymku makarony z batonam sud staŭ na bok lidera «Havary praŭdu», paviedamlaje Radyjo Svaboda.
Sud Dziaržynskaha rajonu nie zadavoliŭ pazoŭ miascovaj rajonnaj balnicy da lidara hramadzianskaj kampanii «Havary praŭdu» Andreja Dźmitryjeva. Sud nia ŭbačyŭ dokazaŭ taho, što źviestki pra špital, jakija raspaŭsiudziŭ lider kampanii «Havary praŭdu», nie adpaviadajuć rečaisnaści i niasłaviać reputacyju špitala.
Sa špitala budzie spahnana 900 rubloŭ sudovych vydatkaŭ, kali pastanova sudździ Taciany Fiadčuk nia budzie abskardžana. Pakul pradstaŭniki Dziaržynskaha špitala nia mohuć skazać, jak špital pastavicca da rašeńnia sudu.
Andrej Dźmitryjeŭ skazaŭ, što nie źbiraŭsia pakryŭdzić kahości ź lekaraŭ i supracoŭnikaŭ Dziaržynskaha špitala, a naceleny na vyrašeńnie našmat bolšaj prablemy, čym tolki jakaść ježy ŭ rajonnych špitalach.
«Zadača pra toje, kab nikomu nia treba było dasyłać fatazdymki niajakasnaj ježy ŭ špitali, kab nia treba było vieści dziaciej u płatnyja kabinety, bo ŭ biaspłatnych na rajonie niama kamu pracavać, bo tut płaciać mienš hrošaj lekaram. Možna padziakavać Dziaržynskamu špitalu za hetuju historyju, bo heta dla nas vydatny start kampanii pra źmienu sacyjalnych standartaŭ. Dla stalicy jany adny, dla rehijonaŭ inšyja. Ale nie pavinna być padvojnaj spraviadlivaści, kali adnym pacyjentam — paŭnavartasnaja ježa, a druhim — źlipłaja makarona», — skazaŭ Dźmitryjeŭ karespandentu Svabody.
