Supracoŭniki Słužby biaśpieki Ukrainy pryjšli na telekanał 1+1 ź pieratrusam u redakcyju prahramy «Sakretnyja materyjały», pradziusaram jakoj byŭ deputat Alaksandr Dubinski ad praprezidenckaj siły «Słuha naroda».
Pieratrus pravodzicca pa rašeńni suda.
U SBU jość padazreńni, što adzin z žurnalistaŭ prahramy moh być datyčny da «źliva» aŭdyjozapisaŭ narady premjer-ministra Ukrainy Alaksieja Hančaruka, na jakoj prysutničali ministr finansaŭ i pieršy namieśnik Nacyjanalnaha banka Ukrainy.
Pastanovaj suda supracoŭnikam Słužby biaśpieki dazvolena kanfiskoŭvać techničnyja pryłady, jakija mohuć dapamahčy ŭ rasśledavańni spravy.
Choć Dubinski i naležyć da praprezidenckaj partyi, jon časta krytykavaŭ rašeńni, pryniatyja «Słuhoj naroda». Niekatoryja ŭkrainskija ahladalniki ličać Dubinskaha pradstaŭnikom kłana Kałamojskaha, jaki zacikaŭleny ŭ asłableńni Hančaruka.
Sam telekanał 1+1 naležyć Kałamojskamu.