Łavina syšła na aŭtamabilnuju hornuju darohu na ŭschodzie Turcyi, nakryŭšy vialikuju kamandu ratavalnikaŭ, nakiravanych znajści dvuch ludziej, źnikłych bieź viestki z-za papiaredniaj łaviny, paviedamlajuć tureckija ŚMI.
Kala 300 rabotnikaŭ ekstranaj słužby vyklikali na aŭtadarohu ŭ pravincyi Van paśla łaviny, jakaja syšła pozna ŭviečary ŭ aŭtorak i zabiła 5 čałaviek. Kala poŭdnia ŭ sieradu kamandu ratavalnikaŭ nakryła druhaja łavina.
Łavina ŭ sieradu pavialičyła ahulnuju kolkaść zahinułych da 28 čałaviek. Zahinuli 23 ratavalniki. Pošuki astatnich praciahvajucca, adnak kolki jašče pradstaŭnikoŭ ratavalnych słužbaŭ zastajucca pad śnieham, nie ŭdakładniajecca.
Kala 30 supracoŭnikaŭ słužby nadzvyčajnych situacyj abo byli vyratavany, abo vybralisia z-pad śniehu i byli špitalizavanyja.
Dvuch čałaviek, źnikłych u aŭtorak, dahetul nie znajšli.
