Fota Nadziei Bužan
Ministr zamiežnych spraŭ Litvy Linas Linkiavičus, jaki 3-4 lutaha naviedvaŭ Biełaruś, kaža, što Minsk pačynaje kanstruktyŭna kazać pra biaśpieku Astravieckaj AES, piša Delfi.lt
Ministr u sieradu skazaŭ žurnalistam, što vitaje rašeńnie Biełarusi pryniać ekśpiertaŭ ź Jeŭrakamisii. «Kanstruktyŭniej, adčuvajecca, što mienš nieprymańnia, kali kazać pra prablemy biaśpieki, tamu što raniej paŭtarali, što niama naohuł nijakich prablem i naohuł jany ničoha nie źbirajucca rabić», — skazaŭ Linkiavičus žurnalistam u sojmie ŭ sieradu.
«Ja dumaju, dobra, što my damovilisia, što jany prymuć ekśpiertaŭ z Hienieralnaha dyrektarata JEK pa enierhietycy i mižnarodnych ekśpiertaŭ, i jany razam pahladziać na rekamiendacyi, i samyja važnyja ź ich treba budzie ažyćciavić da ŭvodu stancyi ŭ ekspłuatacyju», — skazaŭ ministr.
