flickr.com
Mižnarodnaja fiederacyja futboła (FIFA) nie paćvierdziła infarmacyju pra toje, što Suśvietnaje antydopinhavaje ahienctva (WADA) adchiliła zbornuju Rasii ad udziełu ŭ čempijanacie śvietu 2022 hoda, piša lenta.ru.
FIFA adreahavała na publikacyju arabskaha telekanała beIN SPORTS, jaki raniej, 5 lutaha, spasyłajučysia na krynicu WADA, napisaŭ, što rasijskaja kamanda atrymała zabaronu na ŭdzieł u mundyjali. Samo ahienctva na hetuju navinu pakul nie adreahavała. U pres-słužbie Rasijskaha futbolnaha sajuza (RFS) raspaviali vydańniu «Čempijanat.ru», što nijakaj infarmacyi ad WADA ab statusie zbornaj nie atrymlivali.
U śniežni 2019 hoda WADA adchiliła Rasiju ad udziełu ŭ mižnarodnych spabornictvach na čatyry hady. Havorka idzie pra bujnyja turniry, u tym liku Alimpijskija hulni i čempijanaty śvietu. Kiraŭnik kamisii pa adpaviednaści WADA Džonatan Tejłar zajaviŭ, što zbornaja Rasiei ŭ vypadku vychadu ŭ finalnuju častku mundyjala-2022 zmoža vystupić na turniry tolki ŭ niejtralnym statusie.
