Fota Nadziei Bužan
Siońnia pačaŭsia pryjom zajavak ad patencyjnych kandydataŭ na ŭdzieł u vyznačeńni adzinaha kandydata ad demakratyčnych siłaŭ na vybarach 2020 hoda. Pieršym zajaŭku na ŭdzieł padaŭ staršynia ruchu «Za svabodu» Juryj Hubarevič, paviedamlaje pres-słužba ruchu.
U adpaviednaści z praceduraj dla ŭdziełu ŭ «Narodnym hałasavańni» Hubarevič pradstaviŭ u štab vypisku z rašeńnia Kanfierencyi Ruchu ab vyłučeńni jaho kandydatury. Rašeńnie pra heta było pryniataje ŭ śniežni 2018 hoda.
«U mianie surjoznyja płany na ŭdzieł i pieramohu ŭ prajmieryz. Hatovy pradstaŭlać intaresy šyrokaha koła ludziej, jakim blizkija jeŭrapiejskija kaštoŭnaści, demakratyja i nacyjanalnaje adradžeńnie», — zajaviŭ Hubarevič paśla padačy zajaŭki.
Nahadajem, što pradstaŭniki piaci palityčnych strukturaŭ (AHP, BSDP, BCHD, ruch «Za svabodu» i Partyi BNF) praviali 27 studzienia supolnuju pres-kanfierencyju, na jakoj abviaścili pra pačatak pracedury abrańnia adzinaha kandydata ŭ prezidenty.
Zajaŭki ad achvotnych udzielničać u pracedury prymajucca da 16 lutaha. Razhlad zajavak skončycca da 3 sakavika, paśla čaho pačniecca hałasavańnie ŭ internecie i startujuć pajezdki pa rehijonach.
Apazicyja prydumała składanuju schiemu abrańnia adzinaha kandydata
