Dva tydni nie mahli adšukać 33-hadovu Natallu Cišanavu z Hrodna. 18 studzienia žančyna pazvaniła mužu i skazała, što zatrymajecca na pracy. Ale dadomu nie pryjšła.
Doma zastalisia muž i dvoje małych dziaciej. Praz paru dzion muž Natalli pryjšoŭ u milicyju. Da pošukaŭ dałučylisia vałanciory. Žančynu adšukali tolki ŭnačy 3 lutaha i pieradali jaje baćkam, paviedamiła hrodzienskaja milicyja.
Z samoj Natallaj źviazacca pakul niemahčyma. «Naša Niva» pahavaryła ź jaje mužam Andrejem, ale mužčyna byŭ łakaničny:
«Ničoha nie zdaryłasia, jana znajšłasia. Była ŭ vioscy ŭ baćkoŭ. Voś tak byvaje ŭ žyćci. Ź joj pahavaryć nielha. Čałavieku treba adyjści ad prablem».
Andrej abvierh, što pryčynaj źniknienńnia jaho žonki mahli stać ałkaholnyja pryhody.
«Jana nie pje zusim, u adroźnieńnie ad mianie», — adkazaŭ jon.
