U Kramli ličać raźvićcio adnosin Biełarusi i ZŠA ich suvierennym pravam, adnak ich «zvyšblizkaje zbližeńnie» małaimavierna, zajaviŭ pres-sakratar prezidenta Rasii Dźmitryj Piaskoŭ, piša ria.ru
«Pa sutnaści, tam naŭrad ci možna kazać pra zvyšblizkaje zbližeńnie. Ale ŭ dadzienym vypadku my nie možam kamientavać i nie žadajem kamientavać kantakty našych partnioraŭ z trecimi krainami. Heta absalutna suvierennaje prava i realizacyja ich suvierennych adnosin», — skazaŭ Piaskoŭ žurnalistam, adkazvajučy na pytańnie, ci nie bajacca ŭ Maskviei zajaŭ i zvyšblizkaha zbližeńnia na sustrečy pradstaŭnikoŭ ZŠA i Biełarusi.
Dziažsakratar ZŠA Majk Pampiea 1 lutaha byŭ ź vizitam u Minsku.
Padčas sustrečy z Łukašenkam jon adznačyŭ, što spadziajecca, što ZŠA i Biełaruś zmohuć dalej raźvivać adnosiny, kab Biełaruś mieła suvierenitet i niezaležnaść. «Ja tak razumieju, heta toje, čaho vy chočacie», — padkreśliŭ jon.
Dziaržsakratar adznačyŭ, što vyvučyŭ niekalki spravazdač pa hetym pytańni i viedaje ab doŭhaj historyi biełaruska-rasijskich adnosin. «Ale my nie havorym pra vybar pamiž nami i imi. My havorym ab dypłamatyčnych adnosinach», — padkreśliŭ dziaržsakratar.
Taksama Pampiea zajaviŭ, što ZŠA zmohuć na 100% zabiaśpiečyć Biełaruś enierhanośbitami, Minsk tolki pavinien ahučyć hetuju prośbu.
