Pra heta śviedčać vyniki daśledavańnia ria.ru. Padčas składańnia rejtynhu byli vykarystanyja źviestki statystyki krain Jeŭropy pra ceny na 95-y bienzin pa stanie na siaredzinu studzienia 2020 hoda.
U absalutnych cenach, biez pryviazki da zarpłaty, najbolš nizkija ceny na bienzin u Kazachstanie. Na druhim miescy — Rasija.
Treciaje miesca siarod jeŭrapiejskich krainaŭ zajmaje Biełaruś, čaćviortaje miesca — Ukraina.
Samy darahi bienzin u Niderłandach. Tam vysokija padatki na paliva.
Rejtynh dastupnaści paliva (kolkaści, jakuju možna kupić na siaredniuju zarpłatu) ačolvaje Luksiemburh. Žychary hetaha hiercahstva mohuć nabyć na svaje siarednija zarpłaty kala 2,8 tysiačy litraŭ bienzinu. Ceny na paliva ŭ Luksiemburhu adnosna nievysokija, a zarobki adny z samych vialikich u Jeŭropie.
Druhoje miesca zaniała Narviehija z 2,2 tysiačami litraŭ. U pieršuju piaciorku taksama ŭvachodziać Aŭstryja, Irłandyja i Vialikabrytanija. Žychary hetych krain mohuć nabyć na svaje siaredniemiesiačnyja zarobki bolš za 1,9 tysiačy litraŭ 95-ha.
Rasija z 884 litrami — na 17 miescy.
Apošniaje, 32-je miesca, pa dastupnaści bienzinu dla nasielnictva zaniała Ukraina (311 litraŭ). Biełaruś zajmaje 29-je miesca (550 litraŭ). Aŭtsajderami taksama stali Bałharyja, Łatvija, Słavakija i Litva.
