Zajava prezidenta Ukrainy Uładzimira Zialenskaha pra vinu SSSR za raźviazvańnie Druhoj suśvietnaj vajny pierachodzić usiakija miežy i źjaŭlajecca zdradaj svajmu narodu. Takoje mierkavańnie vykazała aficyjny pradstaŭnik MZS Rasii Maryja Zacharava.
«Jak kvalifikavać padobnyja zajavy?.. Padobnyja zajavy pierachodziać usie miežy ŭ pryncypie. Jany źjaŭlajucca adkrytaj zdradaj historyi svajho ž naroda», — skazała Zacharava. Jana dadała, što ŭskładać na zabojcu i achviaru roŭnuju adkaznaść złačynna i amaralna.
Nahadajem, padčas vizitu ŭ Polšču 27 studzienia dla śviatkavańnia 75-hodździa vyzvaleńnia nacysckaha kancłahiera Aŭšvic-Birkienaŭ prezident Ukrainy Uładzimir Zialenski zajaviŭ, što Polšča i polski narod pieršymi adčuli nastupstvy «złačynnaj zmovy tatalitarnych režymaŭ», majučy na ŭvazie padzieł Polščy pamiž SSSR i nacysckaj Hiermanijaj u 1939 hodzie.
