Siamiejnuju paru pry razvodzie ŭ sudzie abo zahsie pavinny buduć u abaviazkovym paradku infarmavać ab mahčymaści prymirycca z dapamohaj miedyjatara. Heta zamacavana ŭ novym Zakonie numar 277-3, jaki padpisany Prezidentam u śniežni 2019 hoda i pavinien ustupić u siłu 1 lipienia. Ab hetym ministr justycyi Aleh Śližeŭski raskazaŭ žurnalistam, adkazvajučy na pytańnie karespandenta BIEŁTA.
U zakanadaŭstvie zamacoŭvajecca novaje paniaćcie - infarmacyjnaja sustreča ź miedyjataram. Na dumku Aleha Śližeŭskaha, alternatyŭny mietad vyrašeńnia kanfliktaŭ - heta adzin ź pierśpiektyŭnych napramkaŭ pravavoj palityki krainy. «U čas takoha ŭzajemadziejańnia ŭ pary budzie mahčymaść jašče raz pašukać varyjanty kampramisaŭ, dasiahnieńnia zhody. Pry hetym pryncyp dobraachvotnaści zachoŭvajecca: kožny vyrašaje sam, ci sprabavać źviartacca da miedyjatara», - adznačyŭ ministr.
Pavodle słoŭ Aleha Śližeŭskaha, havaryć ab tym, što miedyjacyja tryvała ŭvajšła ŭ śfieru vyrašeńnia kanfliktaŭ pakul dačasna: jość jašče peŭny niedavier da hetaha instytuta. Nieabchodna dalejšaje infarmavańnie hramadstva ab jaho pieravahach, tamu i byli ŭniesieny źmianieńni ŭ zakanadaŭstva.
Ministr dadaŭ: novaŭviadzieńniem źjaŭlajecca i toje, što baki zmohuć źviartacca da miedyjatara na luboj stadyi hramadzianskaha i haspadarčaha sudavodstva.
