7 studzienia dziciačyja hulni skončyłasia trahiedyjaj, pišuć «Mocnyja naviny» Homiela. Chłopcy znajšli pietardu, jakaja paśla vybuchnuła ŭ rukach adnaho z chłapčukoŭ. «Vybuchnoj chvalaj abpaliła ŭsio cieła. Na im zhareła adzieńnie, jość hłybokija apioki tułava i noh. Apioki rahavicy abodvuch vačej, razryŭ vušnoj barabannaj pieraponki», — pieraličvaje Iryna, siastra paciarpiełaha.
U toj dzień Cimur razam sa starejšymi susiedskimi dziećmi hulaŭ u svaim mikrarajonie, kali im na darozie trapiłasia niečaja niespracavanaja pietarda. Što adbyvałasia dalej, vyznačyć tak i nie zmahli. Pa adnoj ź viersij, z čaćviortakłaśnika pažartavali, skazaŭšy, što heta dymavaja šaška. Pa inšaj viersii — usie dzieci byli ŭpeŭnienyja, što tak jano i jość. Vynik žałasny: u rukach Cimura padpalili pietardu, pry vybuchu chłopčyku adarvała kiść pravaj ruki. «Pra toje, kab jaje zachavać ci adnavić, razmova nie išła, jaje prosta razarvała na miescy», — piša Iryna u svaim instahramie.
Dzicia terminova špitalizavali. Paśla apieracyi na ruce vyśvietliłasia, što jość unutranyja razryvy kišačnika. Ekstranna praviali jašče adnu apieracyju — była vydalenaja častka kišačnika. Ale i heta jašče nie ŭsio: chłopčyka jašče čakaje apieracyja na vuchu i reabilitacyja.
Tydzień tamu, 16 studzienia, chłopčyka pieraviali z reanimacyi ŭ adździaleńnie. Svajaki rychtujucca da nabyćcia prateza, ale razumiejuć, što heta zapatrabuje vialikich finansavych układańniaŭ. U siamji Cimura piaciora dziaciej, tamu darahoje lačeńnie budzie nie pa kišeni svajakam. Tamu jany vyrašyli źviarnucca pa dapamohu da siabroŭ i znajomych. «Nie čakali takoha vodhuku. Vielmi šmat nieabyjakavych. Vielizarny ŭsim dziakuj!» — piša siastra Cimura.
Nieabyjakavyja biełarusy, daviedaŭšysia pra incydent, stvaryli pietycyju z patrabavańniem zabaranić pietardy ŭ krainie. «Spałoch, traŭmy, sardečnyja prystupy, apioki, kalectva i navat śmiarotny kaniec — pastajannyja spadarožniki vykarystańnia dadzienych piratechničnych srodkaŭ dziela zabavy, — pišuć aktyvisty. — Čamu my pavinny kožny hod zakryvać vočy na tysiačy achviar i biespakaranyja chulihanskija pavodziny, jakija časta traplajuć navat u ramki Kryminalnaha kodeksa?
Kali vy chočacie dapamahčy Cimuru, to možna pieraličyć srodki na dabračynny rachunak.
Dabračynnyja rachunki adkryty ŭ filijale 300 — h.Homiel, vuł.Frunze, 6a; UNP 400207877; MFA AKBBBY21300:
- biełaruskija rubli — tranzitny rachunak BY91AKBB38193821002553000000 na dabračynny rachunak BY33AKBB31340000432683020300 ŭ filijale za 300/ Apieracyjnaja słužba, biesterminovy
- jeŭra — tranzitny rachunak BY33AKBB38193821023673000000 na dabračynny rachunak BY55AKBB31340000432733020300 u filijale 300/ Apieracyjnaja słužba, biesterminovy
- rasijskija rubli — tranzitny rachunak BY33AKBB38193821023673000000 na dabračynny rachunak BY70AKBB31340000432723020300 u filijale 300/ Apieracyjnaja słužba, biesterminovy
- dalary ZŠA — tranzitny rachunak BY33AKBB38193821023673000000 na dabračynny rachunak BY03AKBB31340000432703020300 u filijale 300/ Apieracyjnaja słužba, biesterminovy
Pryznačeńnie płaciažu: Zaličeńnie na rachunak Smyka Ihara Michajłaviča dla zboru hrašovych srodkaŭ na lačeńnie i pratezavańnie ruki dziciaci Smyka Cimura Iharaviča.
Ažyćciavić dabračynny płaciež možna jak va ŭstanovach banka, tak i z dapamohaj pasłuhi «Advolny płaciež (płaciež pa rekvizitach)» u infakijoskach, Internet-bankinhu i M-bankinhu.
