epravda.com.ua
Prypynieńnie ekspartu naftapraduktaŭ ź Biełarusi admieniena. Hetu infarmacyju Tut.by paćvierdzili ŭ pres-słužbie kancerna «Biełnaftachim».
«Prypynieńnie admieniena. Heta vynik taho, što pavialičvajucca patoki naftavaj syraviny na biełaruskija zavody. Staić zadača ich zahruzić», — skazali ŭ «Biełnaftachimie». U kancernie adznačyli, što pakul jašče nie ŭsie kropki nad «i» rasstaŭlenyja, tamu nie mohuć anansavać krynicy pastavak nafty ŭ Biełaruś, u tym liku i trubapravodnym transpartam.
Pavodle infarmacyi Tut.by, pieršačarhovaja zadača pa eksparcie naftapraduktaŭ — vykanać abaviazacielstvy pierad ukrainskimi partniorami.
Raniej Biełaruś prypyniała ekspart naftapraduktaŭ, kab nie dapuścić deficytu paliva na ŭnutranym rynku z-za admovy Rasii pastaŭlać naftu na biełaruskija NPZ.
Siońnia Alaksandr Łukašenka zajaviŭ, što Biełaruś budzie imknucca pastaŭlać z rasijskaha rynku 30-40 pracentaŭ ad nieabchodnych abjomaŭ nafty. «Pracentaŭ 30 my pavinny z Bałtyki zavozić i pracentaŭ 30 praz Ukrainu — pravierany ŭžo šlach. Mahčyma, Kazachstan zmoža pastavić nam naftu, kali Rasija pahodzicca z hetym», — zajaviŭ kiraŭnik dziaržavy.
Kiraŭnik «Biełnaftachima» anansavaŭ chutkija pastaŭki nafty ŭ Biełaruś z alternatyŭnych krynic
Łukašenka: Biełaruś pastarajecca abmiežavać dolu Rasii ŭ pastaŭkach nafty da 40%
Biełaruś kupiła pieršuju partyju nafty z narviežskaha radovišča
