Klijent taksi paškodziŭ škło dźviarej kiroŭcy, lusterka zadniaha vidu i łakafarbavaje pakryćcio aŭtamabila. Straty byli acenienyja ŭ 200 rubloŭ, piša mogilev.online.
Akazałasia, klijent byŭ mocna pjany, a taksi jamu vyklikali siabry, jakija i apłacili pajezdku zahadzia, paprasiŭšy davieźci tavaryša da padjezda.
Zakaz byŭ vykanany. Pasažyr užo vyjšaŭ z mašyny i nakiravaŭsia da dźviarej padjezda, ale viarnuŭsia nazad i staŭ patrabavać viarnuć hrošy za prajezd. Jany byli patrebnyja dla nabyćcia piva. Admovu jon uspryniaŭ ahresiŭna: mahiloviec spačatku sprabavaŭ vyciahnuć kiroŭcu z aŭto, a paśla pačaŭ bić mašynu nahami.
Paśla klijent syšoŭ. Viarnucca jamu daviałosia, kali na miesca prybyli pravaachoŭniki. Praŭda, vinoŭnik incydentu nie razumieŭ, u čym jaho abvinavačvajuć: hrošy na śpirtnoje jon užo ŭziaŭ doma i nakiroŭvaŭsia ŭ kramu.
Zaviali kryminalnuju spravu.
