Łukašenka padčas vystupu na V Usiebiełaruskim narodnym schodzie, president.gov.by
Ab hetym kiraŭnik dziaržavy zajaviŭ 20 studzienia na sustrečy sa staršynioj Fiederacyi prafsajuzaŭ Biełarusi Michaiłam Ordam, dzie abmiarkoŭvaŭsia ŭdzieł kiraŭnika u vośmym źjeździe FPB, jaki płanujecca pravieści ŭ kancy lutaha, paviedamlaje pres-słužba.
Alaksandr Łukašenka adznačyŭ: «Heta [źjezd FPB] maštabnaje ŭnutranaje mierapryjemstva. Tym bolš taki palityčna važny hod: prezidenckija vybary, źjezd naroda Biełarusi — Usiebiełaruski narodny schod, jaki vypracuje stratehiju na pierśpiektyvu. Prafsajuzy tut pavinny adyhrać svaju rolu», — padkreśliŭ kiraŭnik krainy.
Pieršy «Usiebiełaruski narodny schod» praviali ŭ kastryčniku 1996 hoda pierad refierendumam ab źmienach u Kanstytucyju.
Nastupnyja schody praviali ŭ 2001, 2006 i 2010 hh. niezadoŭha da prezidenckich vybaraŭ. A voś piaty Usiebiełaruski narodny schod prajšoŭ uletku 2016 hoda, užo paśla apošnich prezidenckich vybaraŭ.
Prezidenckija vybary ŭ Biełarusi pavinny prajści nie paźniej za 30 žniŭnia 2020 hoda.
