U Biełarusi praciahvajucca roznahałośsi z Rasijaj z-za impartu nafty, tamu jana prosić u krain Bałtyi i inšych krain dapamohi ŭ pieravałcy syraviny, i litoŭskaja kampanija Klaipedos nafta kaža, što atrymała takuju prośbu ad biełaruskich klijentaŭ, piša Delfi.
DELFI / Šarūnas Mažeika.
Heta paćvierdziŭ časovy dyrektar kampanii pa naftabiznesie Hiedrus Sabalaŭskas.
«My atrymali zapyt ad biełaruskich klijentaŭ adnosna impartu syroj nafty praz naš terminał u studzieni», — skazaŭ Sabalaŭskas. Pavodle jaho słoŭ, Klaipedos nafta hatovaja pieravalvać syruju naftu z sudoŭ.
Pradstaŭnica Klaipedos nafta Arynta Brakaŭskajcie paćvierdziła BNS, što pastupiła prośba ad «Biełaruskaj naftavaj kampanii».
Klaipedos nafta śćviardžaje, što moža pieravalvać da 3 młn ton nafty. Biełaruś letaś impartavała z Rasii kala 18 młn ton nafty.
Dyrektar Kłajpiedskaha porta pa markietynhu i ahulnych pytańniach Arturas Drunhiłas kaža, što tearetyčna naftu dla Biełarusi možna było b impartavać i praz naftaterminał, kantralavany kampanijaj Orlen Lietuva, adnak hetaja kampanija źjaŭlajecca kankurentam biełaruskich zavodaŭ.
