13 studzienia ŭ Babrujsku ŭ adnoj z kvater znojdziena cieła 76-hadovaha mužčyny biez prykmiet žyćcia, paviedamlaje Śledčy kamitet.
Vyjaviŭ mužčynu jaho znajomy, kali pryjšoŭ da jaho ŭ hości. Adrazu patelefanavaŭ u milicyju.
9 studzienia zahinuły raśpivaŭ ałkaholnyja napoi sa svajoj 56-hadovaj znajomaj. Pamiž imi zdaryŭsia kanflikt i zaviazałasia bojka, padčas jakoj mužčyna ŭdaryŭ znajomuju. Taja ŭziała nož i naniesła dva nažavyja ŭ levaje i pravaje ściahno, a zatym vyjšła z kvatery. Viarnuŭšysia, jana pabačyła, što znajomy siadzić na kanapie i nie ruchajecca. Padumała, što jon zasnuŭ, i taksama lehła spać. Pračnuŭšysia ranicaj, pabačyła jaho ŭ toj samaj pozie biez prykmiet žyćcia. Žančyna začyniła dźviery kvatery i syšła.
Mužčyna pamior ad vialikaj straty kryvi.
Zaviali kryminalnuju spravu.