kremlin.ru
Urad Rasii padaŭ u adstaŭku. Padčas sustrečy z prezidentam Rasii Uładzimiram Pucinym Dźmitryj Miadźviedzieŭ zajaviŭ, što ličyć takoje rašeńnie pravilnym na fonie abvieščanych kiraŭnikom dziaržavy prapanoŭ ab źmienie Kanstytucyi.
Rasijski lidar padziakavaŭ uradu Miadźviedzieva za pracu i daručyŭ vykonvać svaje abaviazki da farmiravańnia novaha składu kabinieta ministraŭ. Pa słovach Pucina, jon zadavoleny dasiahnutymi vynikami.
Prezident Rasii zajaviŭ ab płanach uvieści pasadu namieśnika staršyni Rady biaśpieki i prapanavać hetu pasadu Miadźviedzievu.
Raniej rasijski lidar zajaviŭ pra nieabchodnaść pravieści hałasavańnie pry pryniaćci papravak u kanstytucyju krainy. Pa słovach Pucina, papraŭki, prapanavanyja ŭ asnoŭny zakon, nie zakranajuć jaho fundamientalnych asnoŭ, tamu mohuć być zaćvierdžany parłamientam u ramkach dziejučaj pracedury praz pryniaćcie kanstytucyjnych zakonaŭ.
