15 studzienia ŭ centry Maskvy biełarus uziaŭ u zakładniki rabotnika mutnaj finansavaj kampanii.
Biełarusa zavuć Viktar Krysin, jamu 36 hadoŭ, paviedamlaje rasijskaje vydańnie «Baza». Krysin pryjšoŭ z nažom u ofis «Mižnarodnaha finansavaha centra», dzie prystaviŭ nož da adnaho z supracoŭnikaŭ.
Praŭda, palicyja davoli chutka niejtralizavała napadnika. Krysina zatrymali.
Ale ž što pryviało jaho ŭ biznes-centr, jaki mieścicca ŭ dziełavym centry rasijskaj stalicy? Chutčej za ŭsio hrašovyja prablemy. Bo toj samy «Mižnarodny finansavy centr» — mutnaja kampanija, jakaja abiacaje prostamu i niedaśviedčanamu abyvacielu chutki prybytak ad inviestycyj u akcyi.
Krysin zhubiŭ bujnuju sumu na biržy, piša life.ru. U adčai jon i pryjšoŭ z nažom u biznes-centr.
Pra dziejnaść hetaha «Mižnarodnaha finansavaha centru» vychodziła cełaje rasśledavańnie na dziaržaŭnym telekanale «Rasija». Spačatku klijenta zavablivajuć pryhožymi farmuloŭkami (inviestycyjny partfiel, finansavaja ekśpiertyza, akcyi Eppł) i abiacankami zarobkaŭ… a paśla vyśviatlajucca, što hrošy byli pieraličanyja niejkaj kanadskaj kampanii, a sam «Centr» nibyta zajmajecca vyklučna kansultacyjami.
Viarnuć svaje hrošy amal što nierealna.
Pryčym «finansisty» nie curajucca sami šukać achviaraŭ, nabyvajučy bazy kantaktaŭ i abzvańvajučy ludziej z prapanovaj svaich pasłuh.
