U Rasii mohuć pryniać papraŭki ŭ Kanstytucyju, prapanavanyja kiraŭnikom dziaržavy Uładzimiram Pucinym, biez refierendumu. Pra heta zajaviła staršynia Centrvybarkama (CVK) Eła Pamfiłava, pieradaje «Interfaks».
Na jaje dumku, dla hetaj mety lepš padyduć druhija formy ŭsienarodnaha abmierkavańnia. «Zychodziačy z taho, što skazaŭ prezident, ja nie dumaju, što sprava dojdzie da refierendumu. (…) Usio ž taki heta budzie abmierkavańnie, dla jakoha refierendum nie zapatrabujecca — chutčej za ŭsio», - padkreśliła kiraŭnik CVK.
Raniej CVK vypuściła zajavu, u jakoj adznačałasia, što hałasavańnie z nahody ŭniasieńnia papravak u Kanstytucyju Rasii moža być arhanizavana ŭ 2020 hodzie. Takoje raźvićcio padziej mahčyma pry ŭmovie apieratyŭnaha vyrašeńnia pytańnia ab farmacie narodnaha volevyjaŭleńnia i najaŭnaści sfarmulavanych pytańniaŭ.