Heta najhoršy pakazčyk siarod dziaržaŭ, jakija ŭdzielničajuć u prahramie ES «Uschodniaje partniorstva», piša Radyjo Svaboda.
Siarod 6 krain, jakija ŭdzielničajuć va Uschodnim partniorstvie, z najbolšym piesimizmam da stanoŭčych źmienaŭ u krainie staviacca biełarusy. 59% biełarusaŭ nie vieryć u pazityŭnuju budučyniu ŭ Biełarusi. Heta vyniki apytańnia ŭ krainach Uschodniaha partnerstva pad ehidaj ES.
Takoje apytańnie pravodzicca štohod, i pakazčyki pa Biełarusi mała źmianiajucca. Pra heta Svabodzie raspavioŭ Andrej Jelisiejeŭ, analityk arhanizacyi EAST Center, kiraŭnik adździełu manitorynhu Mižnarodnaj stratehičnaj sietki dziejańniaŭ dla biaśpieki (iSANS).
«U apošnija try hady pa Biełarusi najmienšy aptymizm siarod usich krain-udzielnic. Pakazalny prykład Armienii, dzie byŭ nizki ŭzrovień aptymizmu adnosna budučyni — 34% ŭ 2018 hodzie. Ale ŭ 2019 — užo 70%, na heta vidavočna paŭpłyvała aksamitnaja revalucyja. U Biełarusi vialikaja paniavierka nakont źmienaŭ, što paćviardžajecca i inšymi apytańniami», — kaža Andrej Jelisiejeŭ.
U Azerbajdžanie 68% vierać u pazityŭnyja źmieny, va Ukrainie — 45%, u Małdovie — 49%.
