Pryncypy dziaržaŭnaj ekanamičnaj palityki zastanucca niaźmiennymi, u centry ŭvahi zaŭsiody buduć ludzi. Pra heta Alaksandr Łukašenka zajaviŭ na naradzie z kiraŭnictvam Saŭmina, piša BiełTA.
Jak rastłumačyŭ kiraŭnik krainy, siońnia płanujecca razhledzieć niekatoryja prapanovy ŭrada, jakija vypracavany z udziełam miascovych orhanaŭ ułady, pravaachoŭnych struktur i inšych viedamstvaŭ.
«Pryncypy dziaržaŭnaj ekanamičnaj palityki, jakuju my farmavali hadami, zastanucca niaźmiennymi. Jak by chto ni vyŭ i ni skavytaŭ [rydał i stienał], što kamuści patrebnyja pieramieny. Pieramieny patrebnyja, jany iduć i buduć iści, tamu žyćcio nie spyniajecca.
Ale kali niechta choča pieramienaŭ, jakija buduć nakiravany na złom toj palityki, jakaja pravodzicca, hetaha nie budzie», — zajaviŭ Alaksandr Łukašenka.
Jon padkreśliŭ, što ŭ centry ŭvahi dziaržavy zaŭsiody buduć ludzi i ich intaresy, dabrabyt, kamfort i pastajannaje palapšeńnie ŭmoŭ žyćcia.