Fota Nadziei Bužan
Kamaroŭka abviaściła pra start novaha servisu — biaspłatnaj dastaŭki praduktaŭ u miežach stalicy (Fresh Kamaroŭka). Heta budzie pracavać prykładna tak ža, jak u niekatorych bujnych praduktovych retejleraŭ. U vypadku z Kamaroŭkaj minimalnaja suma zakazu — 60 rubloŭ.
Apłacić pradukty možna najaŭnymi kurjeru, kartkaj jamu ž abo anłajn praz sajt.
Apracoŭka zakazaŭ ažyćciaŭlajecca ŭ rabočyja dni Kamaroŭskaha rynku z aŭtorka pa niadzielu z 9:00 da 18:00. Paniadziełak — vychadny.
Dastaŭka zakazaŭ, aformlenych u pracoŭny dzień da 13:00 ažyćciaŭlajecca z 14:00 da 22:00. Dla zakazaŭ, aformlenych paśla 13:00, mahčymaja dastaŭka na nastupny pracoŭny dzień z 9:00 da 22:00.
Jak raskazali «Našaj Nivie» na Kamaroŭcy, dastaŭku zapuściła nie administracyja rynka, a adzin z pradprymalnikaŭ, jaki handluje miasam, — Siarhiej Kaciak, dyrektar pradpryjemstva «Hastranamičny aljans». Razam z naparnikam jany adabrali pa paru pastaŭščykoŭ kožnaj hrupy tavaraŭ. Usiaho — kala 600 pazicyj.
Ci nie zavialikaja suma dla minimalnaha zakazu — 60 rubloŭ? Arhanizatary dastaŭki kažuć, što, pa ich nazirańniach, jana prymalnaja dla minčukoŭ.
«My apytvali ludziej na rynku. Jany kazali, što, kab kupić miasa, frukty, sadavinu za raz addajuć 60-70 rubloŭ».
