handball.by
Učora mužčynskaja zbornaja Biełarusi pa handbole vyjšła ŭ asnoŭny etap kantynientalnaha pieršynstva.
Na hetym etapie 12 zbornych buduć raźbityja na dźvie šaściorki.
Biełarusy (hałoŭny trenier — Juryj Šaŭcoŭ) buduć hulać u adnoj hrupie z Charvatyjaj (ź jakoj byli na papiarednim etapie), Niamieččynaj, Ispanijaj, a taksama, vidać, z Aŭstryjaj i Čechijaj (abo Paŭnočnaj Makiedonijaj) — heta zbornyja, što vyjduć z hrupy V. Tut treci tur projdzie siońnia.
Matčy ŭ našaj novaj hrupie projduć 16 studzienia (čaćvier), 18 studzienia (subota), 20 i 22 studzienia.
Pieršaja hulnia — suprać Niamieččyny (u čaćvier), matč suprać Ispanii — u paniadziełak. Z kamandami z hrupy B pajadynki adbuducca ŭ subotu i sieradu 22 studzienia. Imavierna, jany i buduć samymi važnymi dla nas.
U paŭfinał vychodziać dźvie zbornyja z hrupy, kamanda, što zojmie 3-je miesca, zhulaje ŭ matčy za 5 i 6-ja miescy.
Ale, kab trapić u kvalifikacyjny etap Alimpijady (matčy hetaha turniru projduć u krasaviku), treba zaniać u hrupie miesca nie nižej za 4-je, a heta aznačaje, što treba pieramahać i Aŭstryju, i Čechiju (ci Paŭnočnuju Makiedoniju). I pa mahčymaści sprabavać začapić ci Ispaniju, ci Niamieččynu.
Samaje cikavaje tolki pačynajecca.