U niebie nad Iranam u momant zapusku rakiety, jakaja trapiła ŭ Bojeing «Mižnarodnych avijalinij Ukrainy», znachodziŭsia samalot katarskich avijalinij. Pra heta paviedamlaje «RIA Naviny» sa spasyłkaj na namieśnika staršyni kamiteta pa haradskim budaŭnictvie parłamienta Irana Abu al-Fadyl Musavi Biejuki.
Jon udakładniŭ, što ŭ vypadku z katarskim samalotam avijadyśpietčaram atrymałasia skaardynavać dziejańni ź iranskimi vajskoŭcami. Pavodle słoŭ deputata, kali łajnier uvajšoŭ u iranskuju pavietranuju prastoru, piłoty vidać zaŭvažyŭ śviatło ŭ niebie, vykazaŭšy zdahadku, što pracuje SPA. Jany zrabili zapyt dyśpietčaram, tyja ŭ svaju čarhu pieradali infarmacyju siłam SPA.
Samalot Boeing 737 «Mižnarodnych avijalinij Ukrainy» raźbiŭsia ranicaj 8 studzienia nieŭzabavie paśla ŭźlotu z aeraporta Tehierana. Na borcie byli 176 čałaviek, usie jany zahinuli.
Ułady Irana praz troje sutak paśla katastrofy pryznali, što łajnier byŭ źbity: apieratar sistemy SPA paličyŭ jaho kryłataj rakietaj. Prezident Irana nazvaŭ heta «niedaravalnaj pamyłkaj».