Budynak AAN. Fota: jensjunge / pixabay.com
Hienieralny sakratar AAN Antoniu Huteryš zajaviŭ, što hieapalityčnaja napružanaść u śviecie dasiahnuła maksimalnaha ŭzroŭniu ŭ XXI stahodździ. Jaho słovy pryvodzić TASS.
Jon dadaŭ, što niestabilnaść u śviecie ŭzrastaje. Na jaho dumku, «navat jadziernaje razzbrajeńnie ŭžo nie moža ŭsprymacca jak toje, što samo saboj razumiejecca».
Hienieralny sakratar AAN zaklikaŭ suśvietnych lidearaŭ adnavić dyjałoh i prajaŭlać maksimalnuju strymanaść. «Davajcie nie zabyvać, jakija žudasnyja pakuty niasie ludziam vajna. Naš ahulny abaviazak — praduchilić ich», — skazaŭ na zakančeńnie Huteryš.
Padčas napadu 3 studzienia zahinuŭ iranski hienierał Kasiem Sulejmani. Jaho likvidacyju ŭ Pientahonie nazvali samaabaronaj. 5 studzienia Iran paviedamiŭ ab vychadzie z atamnaj ździełki, a Irak abviaściŭ ab rašeńni vyvieści ŭsie zamiežnyja vojski sa svajoj terytoryi. Tramp pryhraziŭ ŭ adkaz ŭdarami pa 52 abjektach na terytoryi Irana.
