Źjaviłasia videa vyratavalnaj apieracyi va Uładzivastoku, dzie pad lod syšło niekalki dziasiatkaŭ aŭtamabilaŭ. Zapis publikuje RIEN TV.
Hłybinia ŭ hetym miescy składaje 1,5—2 mietry, niekatoryja kiroŭcy, jakija źjechalisia na rybałku, zmahli samastojna vyjechać na bierah. Paciarpiełych u vyniku zdareńnia niama.
Spačatku pakazvajecca ahulny płan buchty, dzie ranicaj 5 studzienia adbyŭsia incydent. Na kadrach, źniatych z drona, vidać, što ŭzdoŭž bierahavoj linii pad lod pravaliłasia nie mienš za 25 aŭtamabilaŭ, vadzicieli jakich zładzili na lodzie stychijnuju parkoŭku.
Zatym źjaŭlajecca zapis vyratavalnaj apieracyi. Supracoŭniki ekstrannych słužbaŭ z dapamohaj ryčahoŭ i labiodak vyciahvajuć z vady paciarpiełyja mašyny.
Infarmacyja pra pravał lodu ŭzdoŭž bieraha ŭ buchcie Vajavoda na vostravie Ruski pastupiła ŭ 09:45 pa miascovym časie (02:45 pa Minsku).
