Zabojstva iranskaha hienierała Sulejmani i eskałacyja napružanaści ŭ adnosinach Vašynhtona i Tehierana abrynuli kaciroŭki na fondavych biržach Blizkaha Uschodu, pieradaje RBK.
Pa vynikach tarhoŭ na biržy Er-Ryjada 5 studzienia (u Saudaŭskaj Aravii niadziela — pracoŭny dzień) akcyi Saudi Aramco, naftavaj kampanii Saudaŭskaj Aravii, upali da minimalnych značeńniaŭ.
Reuters i Bloomberg adznačajuć, što paśla zabojstva Sulejmani rynki Blizkaha Uschodu źnižajucca. U pryvatnaści, indeks Saudaŭskaj fondavaj biržy Tadavuł syšoŭ ŭniz na 2,5%, jehipiecki indeks EGX30 — na 4,4% (najbujniejšaje padzieńnie ź vieraśnia), indeks fondavaj biržy ŭ Dubai — na 3,1%.
Krynica: tadawul.com.sa
Nadziei inviestaraŭ, jakija raźličvali na źnižeńnie ŭ 2020 hodzie hieapalityčnaha napružańnia na Blizkim Uschodzie i ŭ Paŭnočnaj Afrycy, byli raźbityja na druhi dzień hoda, kaža adzin z ekśpiertaŭ.
Vajna ZŠA i Irana moža źnizić pakazčyki suśvietnaha VUP na 0,5 pracentnych punkta abo bolš, u asnoŭnym praz kałaps ekanomiki Irana, ale taksama praz rost cen na naftu, kaža inšy ekśpiert.
Sulejmani, kamandzir elitnaha padraździaleńnia «Al-Kuds» Korpusa vartavych isłamskaj revalucyi, byŭ zabity ŭ Bahdadzie ŭ noč na 3 studzienia ŭ vyniku amierykanskaha avijaŭdaru.
Źniščeńnie Sulejmani stała adkazam na ataku na pasolstva ZŠA ŭ Bahdadzie. 1 studzienia amierykanskija vajennyja ŭžyli ślozatačyvy haz, kab razahnać demanstrantaŭ, jakija, jak paviedamlaje telekanał Al Arabiya, sprabavali padpalić dach budynka. Dziaržsakratar Majkł Pampiea zajaviŭ, što za arhanizacyjaj napadu na pasolstva staić Iran.
Paśla hibieli hienierała Tehieran dapuściŭ vajenny adkaz na dziejańni ZŠA. Prezident Donald Tramp paviedamiŭ, što ŭ vypadku napadzieńnia z boku Isłamskaj respubliki hatovy nanieści ŭdar pa 52 abjektach u Iranie.
Tramp: Amierykanskija vajskoŭcy zabili terarysta numar adzin u śviecie
Tramp: ZŠA hatovyja nanieści ŭdar pa 52 iranskich abjektach
Cana nafty moža ŭźlacieć da niabios, paśla taho jak amierykancy rakietnym udaram zabili iranskaha kamandujučaha
