Siońnia apoŭdni padčas praviadzieńnia apieratyŭna-vyšukovych mierapryjemstvaŭ supracoŭniki milicyi vyznačyli asobu žančyny, pareštki jakoj byli znojdzienyja 2 studzienia 2020 u Śvisłačy. Cieła zahinułaj znojdziena, paviedamlaje telehram-kanał pres-sakratara MUS.
U SK dadali, što cieła žančyny znojdziena ŭ kvatery adnaho z damoŭ pa vulicy Ramanaŭskaja Słabada. Žančynie było 37 hadoŭ.
Praciahvajucca apieratyŭna-vyšukovyja i śledčyja mierapryjemstvy, nakiravanyja na raskryćcio hetaha złačynstva.
MUS dziakuje za akazanuju dapamohu ŚMI i nieabyjakavym hramadzianam, jakija adhuknulisia na zaklik milicyi.
Jak paviedamlałasia, apoŭdni 2 studzienia ŭ staličnuju milicyju źviarnulisia supracoŭniki kamunalnaj słužby, jakija pravodzili ačyščalnyja raboty ŭ race Śvisłač. Jany patłumačyli, što dastali z raki spartyŭnuju sumku z pareštkami čałavieka. Na miesca zdareńnia vybyła śledča-apieratyŭnaja hrupa, kiraŭnictva MUS i HUUS Minharvykankama. Telehram-kanał Niechta sa spasyłkaj na krynicy ŭ pravaachoŭnych orhanach pisaŭ, što ŭ sumcy byli adsiečanyja žanočyja ruki.
