Śledčy kamitet zaviaršyŭ rasśledavańnie spravy ab arhanizacyi dahavornych matčaŭ. Usiaho zafiksavana 16 podkupaŭ udzielnikaŭ prafiesijnych spabornictvaŭ i 12 faktaŭ machlarstva, jak praviła, źviazanych sa staŭkami.
Vystaŭleny abvinavačvańni pa faktach pieradačy niezakonnych uznaharodžańniaŭ futbalistam kamand «Naftan», «Lida», «Orša», «Chimik», «Nioman-Ahra», «Homiel» za zabieśpiačeńnie abumoŭlenych vynikaŭ. Abvinavačanym u podkupie spartsmienaŭ inkryminavałasia pieradača hrošaj valejbalistam kamandy «Kamunalnik-Mahiloŭ» za zabieśpiačeńnie nieabchodnaha vyniku.
U najbližejšy čas materyjały buduć pieradadzienyja prakuroru.
Jašče ŭ sakaviku MUS infarmavała pra toje, što mižnarodnaja złačynnaja hrupa arhanizoŭvała dahavornyja matčy ŭ roznych vidach sportu.Pieravažna havorka išła pra pajadynki ŭ čempijanacie i kubku krainy pa futbole ŭ 2017 i 2018 hadach. Fakty arhanizacyi dahavornych matčaŭ vyjavili supracoŭniki hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS.
Pieršyja zatrymańni i aryšty złamyśnikaŭ pačalisia zimoj 2019-ha.