U šerahu ananimnych telehram-kanałaŭ, blizkich da biełaruskaha vojska, źjavilisia paviedamleńni ab tym, što 48-hadovy namieśnik načalnika Hienštaba Andrej Pasieka vyzvaleny ad pasady pry dziŭnych abstavinach.
Złasłoviać, što pry budaŭnictvie ŭłasnaha domu jon pryciahvaŭ da taho padnačalenych. Jakich kankretna — nie paviedamlajecca.
Fota: mil.by
Infarmacyju ab vyzvaleńni sa słužby ŭ Minabarony paćvierdzili.
«23 śniežnia ministr abarony padpisaŭ zahad ab zvalnieńni pałkoŭnika Pasieki «ŭ suviazi z učynieńniem pravinnaści, praduhledžanaj kantraktam u jakaści padstavy dla jaho daterminovaha skasavańnia», — skazała «Našaj Nivie» pres-ataše ministra abarony Natalla Haŭrusik.
«Ale ni ab jakim zadziejničańni vajskoŭcaŭ terminovaj słužby havorki nie idzie, ciapier kamiendatura pravodzić pravierku ŭ dačynieńni da pałkoŭnika Pasieki. Pakul heta ŭsio», — dadała jana.
Na hetaj pasadzie Pasieka słužyŭ z 2017-ha, jon kuryravaŭ terytaryjalnuju abaronu.