Da Novaha hoda sustreča Alaksandra Łukašenki i Uładzimira Pucina nie płanujecca.
Pra heta zajaviŭ pres-sakratar prezidenta Rasii Dźmitryj Piaskoŭ, paviedamlaje TASS.
Pa jaho słovach, Pucin i Łukašenka damovilisia pry patrebie parazmaŭlać pa telefonie.
«Uzrovień intehracyi ciapier užo nastolki vysoki, i krainy nastolki ciesna źviazany adzin z adnym, što niejkija šurpataści, viadoma niepaźbiežnyja. (Jany) jość i buduć zastavacca, ale ahulny fon heta nie psuje», — reziumavaŭ Piaskoŭ.
Na pytańnie žurnalistaŭ pra terminy padpisańnia «darožnych kart» pa intehracyi pamiž Rasijaj i Biełaruśsiu Piaskoŭ adkazaŭ: «Padpisańnie — heta farmalnaść, hałoŭnaje — što jany ŭzhodnienyja. Heta realnaje vialikaje dasiahnieńnie».
Razam z tym, pavodle jaho słoŭ, «jość jašče niaŭzhodnienyja pytańni pa nafcie i hazu». «Tam praciahvajecca rabota», — padkreśliŭ Piaskoŭ.
