Film «Kupała» vyjdzie ŭ prakat da vosieni 2020 hoda paśla taho, jak budzie prademanstravany na kinafiestyvalach. Pra heta raskazaŭ režysior Uładzimir Jankoŭski, paviedamlaje Minsk-Naviny.
— Biudžet filma skłaŭ 1 miljon dalaraŭ, — adznačyŭ režysior.
Jon taksama raskazaŭ, što naturnyja sceny zdymalisia ŭ haradach, dzie budynki abviešany šyldami, kamierami videanazirańnia, rekłamaj. Tamu pryjšłosia šmat času vydatkavać, kab ścierci ślady sučasnaści pry dapamozie kampjutarnaj hrafiki. U scenach snoŭ vialikaha paeta vykarystoŭvałasia 3D-hrafika.
Pa słovach Jankoŭskaha, film jon pryśviaciŭ svajoj krainie i narodu. U stužcy zadumana raskazać pra paeta, jaki žyŭ u składany čas, jaki supravadžajecca vojnami, raskazvajecca pra stanaŭleńnie biełaruskaj intelihiencyi i kultury.
— Heta zaraz hałoŭnaje kino ŭ maim žyćci, — pryznaŭsia režysior. — Pracavałasia lohka. Poŭnaja svaboda tvorčaści — heta ščaście. I kali źjavicca mahčymaść, chacieŭ by źniać film pra Hrunvaldskuju bitvu.
