U rasparadžeńnie «Našaj Nivy» trapiŭ zvarot pamočnika staršyni vieteranskaj arhanizacyi «Honar» Ihara Parečyna da Alaksandra Łukašenki.
Vieteranskaja arhanizacyja «Honar»
Parečyn u «Honary» — pamočnik Paŭličenki.
Parečyn piša, što vieterany siłavych struktur chacieli b dać pres-kanfierencyju pa fakcie skandalnaha intervju Juryja Haraŭskaha. Taksama Parečyn paprakaje Paŭličenku za kamientar na Tut.by.
«Naša Niva» dazvaniłasia da Parečyna, kab spytać, što jon mieŭ na ŭvazie.
Ihar Parečyn: Ja chaču skazać, što ja viedaŭ Juru, jon buchaŭ, skažam tak. I materyjalny jaho stan kiepski… Jon hatovy na ŭsio! Mienavita na ŭsio. I kali ja bačyŭ intervju, ja zrazumieŭ, što jamu prapanavali hrošaj i jon ciapier skaža, usio što chočacie.
U jaho typovaja prablema mnohich ludziej, jakija vychodziać u maładyja hady na piensiju i nie mohuć uładkavacca, majučy śpiecnavyki i zasłuhi. Chtości šukaje dalej i znachodzić, chtości pačynaje harełku pić, zajmacca aby čym. Mozh pracuje nie tak, pahavarycie z bułdosam, u jaho adno žadańnie — «chaču!». Taki čałaviek sałodki dla śpiecsłužbaŭ, apazicyi toj ža.
«Naša Niva»: Dyk chto jamu zapłaciŭ, pa-vašamu?
Ihar Parečyn: Treba ŭ jaho spytać. Rana ci pozna… Što, dumajecie, biaspłatna jon intervju davaŭ?
«Naša Niva»: Dyk a kudy ludzi źnikli?
Ihar Parečyn: Ja nie pracuju ŭ MUS, KDB. Jość śpiecyjalnyja słužby, jakija pavinny razabracca. Ciapier luby dvornik skaža, što jon viedaje, što jany [źnikłyja palityki] na Miesiac ulacieli — nu pasprabujcie dakazać advarotnaje. Kali b tak było, jak jon kaža, užo daŭno b adkapali. Šmat mahčymaściaŭ dla ekshumacyi. Nibyta viedajuć jak, dzie, čym… Ale ničoha nie robiać, dalej za słovy nie idzie. Usio heta idzie suprać ułady.
«Naša Niva»: A čamu Paŭličenka roznym ludziam kaža pra Haraŭskaha pa-roznamu?
Ihar Parečyn: U Paŭličenki spytajcie. Ja zvaniu, nie mahu dazvanicca, chaču pahavaryć ź im pra heta. Što ŭ jaho za bačańnie, što jon kaža.