Zdareńnie adbyłosia ŭ Hrodnie ŭ kramie pa vulicy Savieckich pahraničnikaŭ. 22-hadovy chłopiec z dapamohaj znajomych pajšoŭ na «spravu», paviedamlaje abłasnaja milicyja.
Chłopiec prabraŭsia na skład ŭniviersama, pakul dvoje jaho tavaryšaŭ adciahvali ŭvahu achoŭnika. U vyniku jon zmoh adčynić varoty, vystavić na vulicu 8 skryniaŭ piva i niekalki dziasiatkaŭ skryniaŭ kakosavych cukierak — usiaho na 400 rubloŭ. Paźniej jon u niekalki zachodaŭ pieranios tavar u kvateru-pryton.
Źniknieńnie piva i cukierak supracoŭniki ŭniviersama vyjavili, kali ŭsio było ŭžo pieraniesiena ŭ kvateru. Supracoŭniki kryminalnaha vyšuku pry padtrymcy kaleh z achovy sa słužbovym sabakam znajšli tuju samuju kvateru.
Pryčym častka śpirtnoha i cukierak była ŭžo «asvojena» naviedvalnikami prytona. Małady čałaviek, jaki ździejśniŭ kradziež, zatrymany.
