U rasijanina, jaki na Toyota zajazdžaŭ u Biełaruś, pamiežniki kanfiskavali harbatu z kanoplami. Vypadak zdaryŭsia 5 śniežnia ŭ punkcie propusku «Pryvałka», paviedamlaje rgazeta.by.
Padčas ahladu aŭtamabila 38-hadovaha mužčyny słužbovy sabaka zreahavaŭ na skrynku, što lažała ŭ sałonie na zadnim siadzieńni. U joj była harbata «Rielax» ź liściem kanoplaŭ. Jaje kanfiskavali dla praviadzieńnia ekśpiertyzy.
Za pieramiaščeńnie narkatyčnych srodkaŭ praź dziaržmiažu praduhledžana adkaznaść pa artykule 328-1 KK RB. Heta ŭžo nie pieršy anałahičny vypadak za apošni čas. 15 listapada hramadzianin Litvy sprabavaŭ pravieźci dźvie ŭpakoŭki harbaty «Rielax» z narkotykam praz punkt propusku «Pryvałka». Pry hetym mužčyna śćviardžaŭ, što nabyŭ jaje ŭ zvyčajnaj kramie. Takuju ž harbatu słužbovy sabaka znajšoŭ i ŭ bahažniku Audi, na jakoj 23-hadovy žychar Hrodzienskaj vobłaści 16 listapada sprabavaŭ pierasiačy biełaruska-polskuju miažu ŭ punkcie propusku «Bieniakoni».
