Spynieńnie pastavak rasijskaha hazu praz Ukrainu ŭ Jeŭropu vyhladaje całkam mahčymym varyjantam, tamu Słavakija rychtujecca da takoha raźvićcia padziej. Pra heta raskazaŭ ministr ekanomiki krainy Pieter Žyha, paviedamlaje Novinky.cz.
Žyha adznačyŭ, što paśla sustrečy «narmandskaj čaćviorki» nie padobna na toje, što novy kantrakt na pastaŭku hazu budzie paśpiachova zaklučany abo što isnujučy budzie padoŭžany. «Ciapier ja adčuvaju, što my bližej da kryzisu, heta značyć rasijanie spyniać tranzit hazu praz Ukrainu», — skazaŭ ministr.
Nahadajem, ciapierašni kantrakt Rasii i Ukrainy na tranzit hazu ŭ Jeŭropu zakančvajecca ŭ śniežni. Pryjści da novaha pahadnieńnia pakul što nie ŭdałosia. Kijeŭ choča padpisać doŭhaterminovy kantrakt z harantavanymi abjomami pastavak i atrymać zaćvierdžany Stakholmskim arbitražam štraf. Maskva nastojvaje na abnuleńni ŭsich finansavych pretenzij i adnahadovym pahadnieńni.
