Pra heta ŭ Redakcyju napisaŭ staršynia Tavarystva biełaruskaj movy ŭ Navahradku Dźmitryj Sołtan: «Siońnia idzie druhaja častka stvareńnia pomnika. Papiaredni prajekt pomnika z eskizam byŭ adobrany, ciapier aktyŭna stvarajecca rabočaja madel.
Paralelna sa stvareńniem madeli patrebnyja hrošy na kančatkovuju prajektna-kaštarysnuju dakumientacyju, architekturny płan, makiet u naturalnuju vieličyniu i inšyja padrychtoŭčyja rečy. Na siońnia vykankamam i ludźmi papiarednie sabrana 8 200 rubloŭ na hetyja pracy, ale patrabujecca jašče 18 000 rubloŭ».
U liście spadar Sołtan dałučyŭ fota z majsterni skulptara Siarhieja Bandarenki, dzie jon pracuje nad rabočaj madellu pomnika Mindoŭhu pa zaćvierdžanych eskizach. Madel stanie asnovaj dla stvareńnia paŭnavartasnaha vialikaha bronzavaha pomnika na hałoŭnaj płoščy Navahradka.
Rekvizity rachunka, na jakim źbirajucca srodki na stvareńnie pomnika, jość na sajcie Navahrudskaha rajvykankama.
